Хүүхдийг Ивээх Сан нь хүүхдийн эрхийг хангах, түүнийг хэрэгжүүлэх замыг боловсронгуй болгох чиглэлээр үйл ажиллагаа явуулдаг, ашгийн бус, шашны бус, олон улсын төрийн бус байгууллага юм. Хүүхдийг Ивээх Сан нь НҮБ-ийн Итгэлцлийн Сангийн санхүүжилттэйгээр “Охидыг хүчирхийлэл, мөлжлөгөөс хамгаалах нь” төслийг УБ хотын Баянгол, Баянзүрх, Сонгинохайрхан, Сүхбаатар, Чингэлтэй дүүргүүдэд 2021-2024 онд хэрэгжүүлж байна.

Тус төслийн хүрээнд ”Хамтарсан багийн гишүүдэд нийгмийн ажлын үйлчилгээ үзүүлэхэд нь ажлын байранд нь мэргэжил, аргазүйн зөвлөгөө өгөх (супервишн) гарын авлага”-ыг шинэчлэн боловсруулах зөвлөхийг сонгон шалгаруулах бөгөөд доорх шаардлагыг хангасан хувь хүн/зөвлөхийг урьж байна. Ажлын дэлгэрэнгүй даалгаврыг энэхүү холбоосоор авна уу.

Зөвлөхөд тавигдах мэргэжлийн ур чадвар: 

• Нийгмийн ажлын болон боловсролын чиглэлээр магистр, түүнээс дээш зэрэгтэй байх
• Гадаадын их, дээд сургуулиудад дээрх чиглэлээр эрдмийн зэрэг хамгаалсан бол давуу тал болно.
• Нийгмийн болон хүүхэд хамгааллын салбарт таваас доошгүй жил ажилласан байх
• Нийгмийн ажлын чиглэлээр их дээд сургуульд багшилж байсан туршлагатай бол давуу тал болно
• Нийгмийн ажилтнуудыг сургаж, мэргэшүүлэх чиглэлээр гарын авлага, ном товхимол боловсруулан, хэвлүүлж байсан туршлагатай байх
• Хамтарсан багт мэргэжил, аргазүйн дэмжлэг үзүүлж байсан туршлагатай байх
• ОУБ-тай нийгмийн ажлын чиглэлээр хамтран ажиллаж байсан бол давуу тал болно.
• Англи болон монгол хэлний бичгийн чадвартай байх

Материалд тавигдах шаардлага: 

Нийгмийн ажилтны супервишн/ажлын байранд дэмжлэг үзүүлэх үйлчилгээг зохион байгуулах гарын авлага боловсруулах зөвлөхийн ажлын шаардлагыг хангасан хувь хүн дараах баримт бичгүүдийг англи хэлээр бэлтгэн ХИС-д 2023 оны 10-р сарын 16-ны 17.00 цагаас өмнө mongolia.secretary@savethechildren.org ирүүлнэ үү.

Үүнд:

• Сонирхол илэрхийлсэн захидал
• Намтар (CV), бие даан болон багаар хамтран ажиллаж боловсруулж байсан гарын авлага, бүтээлийн жагсаалтыг багтаасан байх
• Өмнөх ажил олгогчийн гурван тодорхойлох захидлууд (Reference Letters)