Хүүхдийг Ивээх Сан АНУ-д төвтэй “Денан төсөл”-ийн санхүүжилтээр эрүүл мэндийн төслийг Архангай аймгийн Тариат суманд 2012 оноос, Эрдэнэмандал суманд 2017 оноос, Говь-Алтай аймгийн Чандмань суманд 2022 оноос хэрэгжүүлж байна. “Денан төсөл”-ийн санхүүжилтээр сумын эрүүл мэндийн төвийн үйлчилгээг сайжруулах, аймгийн жишиг эмнэлэг болгох, зорилтот сумдын нийгмийн эрүүл мэндийг дээшлүүлэхээр ажиллаж байна. Түүнчлэн эмнэлгийн хүний нөөцийг бэлтгэхэд дэмжлэг үзүүлэх, эрүүл мэндийн тоног төхөөрөмжөөр хангах, эмчилгээний материалаар хангах зорилготой юм.