Японы Хүүхдийг Ивээх Сангийн “Охидыг хүчирхийлэл, мөлжлөгөөс хамгаалах нь” (2021-2024) төслийн хүрээнд хийгдэх Хүүхдийн тусламжийн 108 утасны аппликэйшн хөгжүүлэх ажлыг гүйцэтгэх баг/хувь хүн сонгон шалгаруулна

Японы Хүүхдийг Ивээх Сан нь хүүхдийн эрхийг хангах, түүнийг хэрэгжүүлэх замыг боловсронгуй болгох чиглэлээр үйл ажиллагаа явуулдаг, ашгийн бус, шашны бус, олон улсын төрийн бус байгууллага юм. Японы Хүүхдийг Ивээх Сан нь НҮБ-ийн Итгэлцлийн Сангийн санхүүжилттэйгээр “Охидыг хүчирхийлэл, мөлжлөгөөс хамгаалах нь” төслийг “Хөөрхөн зүрх” ТББ-тай хамтран УБ хотын Баянгол, Баянзүрх, Сонгинохайрхан, Сүхбаатар, Чингэлтэй дүүргүүдэд 2021-2024 онд хэрэгжүүлж байна. Манай байгууллагын талаар илүү дэлгэрэнгүй мэдээлэл, бодлого журмууд болон төслийн талаар https://www.savethechildren.mn/ хаягаар орж танилцаарай.

Хүүхдийн тусламжийн 108 утасны аппликэйшн хөгжүүлэх ажлын зорилго: 

Техник технологийн шийдэл, программ хангамжийн асуудлыг бүрэн шийдсэн, тасралтгүй ажиллагааг хангасан, олон нийтэд хүртээмжтэй, хүүхэд хамгааллын талаарх хэрэгцээтэй мэдээллийг хүлээн авах, хүүхдийн тусламжийн 108 утас руу холбогдон дуудлага мэдээлэл өгөх боломж бүхий 108 утасны аппликейшн зохион бүтээх, хэрэглээнд нэвтрүүлэх

Энэхүү ажлыг 2 сарын хугацаанд хийж гүйцэтгэх дараах дөрвөн баг/хувь зөвлөх сонгон шалгаруулна:

1) мэдээлэл бэлтгэх зөвлөх; 2) мэдээллийг англи, казах хэл рүү хөрвүүлэх орчуулагч; 3) аппликэйшн хөгжүүлэх баг/хувь хүн; 4) контент бүтээх баг/хувь хүн

Материал илгээх:

Хэрэв та дээр дурдсан дөрвөн зөвлөхийн ажлыг хийж гүйцэтгэх сонирхолтой байгаа бол энэ холбоосоор орж Ажлын удирдамжтай танилцаж, дэлгэрэнгүй мэдээлэл авна уу.

Зөвлөхийн ажилд өргөдөл гаргагчид нь доор дурдсан бичиг баримтуудыг монгол хэлээр бэлтгэн 2023 оны 10-р сарын 6-ны 17:00 цагаас өмнө mongolia.secretary@savethechildren.org хаягаар ирүүлнэ.

– Сонирхол илэрхийлсэн захидал

– Зөвлөхийн ажлын намтар (CV), үнэлгээний ажилтай төстэй өмнө хийж байсан ажлын жагсаалтыг багтаасан байх

– Ажил гүйцэтгэх үнийн санал

Дутуу болон хугацаа хэтэрч ирсэн материалыг хүлээн авахгүйг анхаарна уу.

Лавлах утас: 976-11-329365-120, 121