Японы Хүүхдийг Ивээх Сан нь хүүхдийн эрхийг хангах түүнийг хэрэгжүүлэх замыг боловсронгуй болгох чиглэлээр үйл ажиллагаа явуулдаг, ашгийн бус, шашны бус, олон улсын төрийн бус байгууллага юм. Бид хүүхэд бүрийг эсэн мэнд амьдрах, хамгаалуулах, хөгжих, оролцох эрхээ эдэлдэг ертөнцийг бий болгох алсын хараатай, хүүхдэд эерэг нөлөө үзүүлж, тэдний амьдралд урт хугацааны өөрчлөлт авчрах эрхэм зорилготой.

Хүүхдийг Ивээх Сангийн Монгол дахь хөтөлбөр нь Япон улсын Гадаад хэргийн яамны санхүүжилтээр “Тэгш хүртээмжтэй, цогц үйлчилгээгээр бага насны хүүхдийн хөгжлийг дэмжих нь” төслийг нийслэлийн Баянзүрх, Чингэлтэй, Сонгинохайрхан дүүрэг, Баянхонгор, Сэлэнгэ аймгуудад хэрэгжүүлэх гэж байна. Энэхүү төслийн хүрээнд зөөврийн компьютер, принтер, проектер нийлүүлэн, хамтран ажиллах байгууллага сонгон шалгаруулна. (Дэлгэрэнгүй мэдээллийг эндээс татаж авна уу)

Ирүүлэх материал

• Байгууллагын танилцуулга
• Аж ахуйн нэгжийн гэрчилгээний хуулбар
• Албан ёсны борлуулагч түүнийг нотлох бичиг баримт
• Хийж гүйцэтгэсэн ижил төстэй гэрээний мэдээлэл
• Нийлүүлэх үнийн санал, нийлүүлэх хугацаа
• Баталгаат хугацааны мэдээлэл
• Суурилуулалт, ашиглалттай холбоотой мэдээлэл

 Үнийн санал ирүүлэх хугацаа:

Дээрх мэдээллийг БИТҮҮМЖЛЭН, оролцож буй сонгон шалгаруулалтын нэрийг тодорхой тэмдэглэн дараах хаягаар 2024 оны 8 дугаар сарын 13-ны өдрийн 17:00 цагаас өмнө ирүүлнэ үү.

Үнийн санал ирүүлэх хаяг: ЯПОНЫ ХҮҮХДИЙГ ИВЭЭХ САН

Монгол улс, Улаанбаатар хот, Чингэлтэй дүүрэг, 1-р хороо, Аризона төвийн 4-р давхарт Утас: 329365, 329371 (131)